АНУ-ын ерөнхийлөгч Дональд Трампын засаг захиргааны Үр ашгийн хэлтсийг удирдаж байсан тэрбумтан Элон Маск Бямба гаригт (2025.07.05) өөрийн намаа байгуулсан болохоо мэдэгджээ. Тэрбээр мэдэгдэл гаргахаас нэг хоногийн өмнө "Тусгаар тогтнолын өдөр бол хоёр намын (зарим нь нэг намын гэх) системээс тусгаар тогтнох хүсэлтэй эсэхээ асуухад хамгийн тохиромжтой цаг! Бид Америк намыг байгуулах ёстой юу?" гэх санал асуулгыг өөрийн цахим хуудаснаа явуулсан байна.

Уг санал асуулгад 1.2 сая гаруй хүн саналаа өгсөн бөгөөд тэдний 65.4 хувь нь "тийм" гэж санал өгсөн байна.

Элон Маск Бямба гаригт Америк намыг эхлүүлж байгаагаа зарласан бичлэгийг "Х" хуудаснаа нийтэлжээ. Үүнд "2-оос 1 дахин их, та шинэ улс төрийн намыг хүссэн, тэгвэл биеллээ оллоо! Хог хаягдал, булхайгаар улс орноо дампууруулах тухай ярих юм бол бид ардчилсан оронд биш, нэг намын тогтолцоонд амьдарч байна. Өнөөдөр та бүхний эрх чөлөөг буцааж өгөхийн тулд Америк нам байгуулагдаж байна" гэжээ.