АНУ-ын Техас мужид 2025 оны долдугаар сарын 4-нд болсон хүчтэй гэнэтийн үерийн улмаас амиа алдсан хүний тоо 82 болж өссөн талаар албаныхан мэдээллээ. Үүний дотор 28 хүүхэд байгаа нь олон хүний сэтгэлийг эмзэглүүлж байна.

Гамшгийн голомт болсон “Camp Mystic” нэртэй охидын зуны амралтын лагерт болсон үерийн улмаас 10 охин болон нэг багш сураггүй болсон талаар мэдээлэл гарчээ. Мөн Зуслангийн захирлаар олон жил ажиллаж буй Ричард Истланд энэ үерт бас амиа алдсан байна.

Үерийн улмаас олон зам, гүүр эвдрэж, хэдэн арван хүн сураггүй байгаа бөгөөд аврах багууд эрэн хайх ажиллагааг үргэлжлүүлэн, гамшгийн бүсэд тусламж үзүүлж байна.

Техасын засгийн газар болон улсын онцгой байдлын байгууллага гамшгийн нөхцөл байдлыг удирдан зохицуулж, олон нийтийг урьдчилан сэрэмжлүүлэх, хамгаалах арга хэмжээг эрчимжүүлж байгаа юм.

Ирэх 24-48 цагийн дотор энэ бүс нутагт дахин ширүүн аадар бороо орох магадлалтай болсон нь аврах ажиллагаа хүндрүүлж болзошгүй байгаа аж.