Дөрвөн жилийн өмнө АНУ-ын цэргүүд тус улсаас гарсны дараа засгийн эрхийг булаан авсан Талибан хөдөлгөөний эрх баригчидтай найрсаг харилцаа тогтоох үйл ажиллагааны хүрээнд Орос улс Афганистаны шинэ Элчин сайдын итгэмжлэх жуух бичгийг хүлээн авчээ.

"Афганистаны Исламын Эмират улсын засгийн газрыг албан ёсоор хүлээн зөвшөөрсөн үйлдэл нь манай улсуудын хооронд олон төрлийн салбарт үр бүтээлтэй хоёр талын хамтын ажиллагааг хөгжүүлэхэд түлхэц болно гэж бид үзэж байна" гэж ОХУ-ын ГХЯ пүрэв гарагт хийсэн мэдэгдэлд дурджээ. Афганистаны Гадаад хэргийн сайд Амир Хан Муттаки пүрэв гарагт Кабулд суугаа ОХУ-ын Элчин сайд Дмитрий Жирновтой хийсэн уулзалтын дүрс бичдэлэгийг хавсарган "Энэ зоригтой шийдвэр бусдад үлгэр дуурайл болно" гэж X сайтад нийтэлжээ.

Тус бүлэглэл 2021 оны наймдугаар сард Афганистан улсын олон улсад хүлээн зөвшөөрөгдсөн засгийн газрыг дэмжиж байсан АНУ-ын цэргүүд Афганистанаас гарах үед тус улсын төрийн эрхийг булаан авсан юм. АНУ цэргээ гаргасныг “бүтэлгүйтлэл” гэж үздэг Москва тэр цагаас хойш Талибаны эрх баригчидтай харилцаагаа хэвийн болгох алхмуудыг хийж, тэднийг терроризмтой тэмцэхэд эдийн засгийн боломжит түнш, холбоотон гэж үзэж байгаа. Афганистаны засгийн газрыг дэлхийн аль ч байгууллага албан ёсоор хүлээн зөвшөөрдөггүй бөгөөд НҮБ-аас тус засгийн гакарыг "Де-факто эрх баригчид" гэж үздэг