АНУ-ын Ерөнхийлөгч асан Дональд Трамп Вьетнамтай худалдааны шинэ гэрээ байгуулснаа долоодугаар сарын 2-нд мэдэгдлээ. Энэхүү гэрээний хүрээнд Вьетнамаас АНУ руу экспортлох бараа бүтээгдэхүүнд 20 хувийн татвар ногдуулах бол гуравдагч улсаас Вьетнам дамжин АНУ-д нийлүүлэгдэх бараанд 40 хувийн татвар ногдуулах юм байна.

Харин үүний хариуд АНУ-ын бүтээгдэхүүнүүд Вьетнамын зах зээлд татваргүйгээр нэвтрэх боломжтой болох бөгөөд SUV, том оврын автомашин зэрэг барааг дурдсан талаар Трамп мэдэгджээ.

Трамп энэхүү тохиролцоог “АНУ-ын эдийн засгийг хамгаалах чухал алхам” хэмээн онцолсон ч Вьетнамын талаас албан ёсоор баталгаажуулсан мэдээлэл хараахан гараагүй байна. Мөн уг гэрээ хэдий хугацаанд хэрэгжих, нарийн зохицуулалт хэрхэн хийгдэх нь одоогоор тодорхойгүй байна.