Хиндү шашинтнууд 12 жил тутамд олноор цуглан Ариун Ганга мөрөнд угаал үйлдэж Кумбха Мела наадмыг зохион байгуулдаг заншилтай. Харин энэ оны нэгдүгээр сард болсон наадмын үеэр хэт их хүн шахцалдсаны улмаас 37 хүн нас барсан харамсалтай мэдээ гарсан. Гэвч BBC-ээс энэ тоон дээр нэмэгдээд 26 хүний ар гэр нөхөн төлбөр авсан баримтыг олжээ. Мөн нас барсан 18 хүний гэр бүл энэ төлбөрийг авч чадаагүй байна.

Уг хэрэг гарсан Энэтхэгийн Уттар Прадеш мужаас энгийн хувцастай цагдаа нар боодолтой мөнгө барьсаар хөрш Бихар мужид иржээ. Гопалганж хотод ирээд 500,000 (20 гаруй сая төгрөг) рупиг 62 настайдаа хэрэг явдал болох үеэр олон хүний хөлд дарагдаж нас барсан Тара Депи гэгчийн гэр бүлд өгч өөрөөр нь яриулан баталгаажуулсан бичлэг хийсэн гэнэ. Уттар Прадешийн удирдлагууд хохирогчдын албан ёсны тоо баримтыг гаргаагүй байна. Талийгаач Тарагийн хүү цагдаа нар ирээд өгсөн мөнгө нь хохирогчдын гэр бүлд өгөхөөр тохирсон 2.5 сая рупи (104,420,750.00 төгрөг)-урьдчилгаа гэж хэлсэн талаар мэдээлсэн бөгөөд үлдэгдэг 2 сая рупиг хүлээн аваагүй гэжээ.

Нас барсан 37 хүний 35-ынх нь ар гэрт нөхөн төлбөр олгосон, нэг хохирогчийн нэрийг тодорхойлж чадаагүй мөн нэг хүнд албан ёсны өв залгамжлагч байгаагүй гэж Уттар Прадешийн засгийн газар мэдэгдсэн. BBC харин 2.5 сая рупигийн чек хүлээн авсан өөр нэг гэр бүлийг олсон байна. Бусад 35 хохирогчийн хувьд хамаатан садных нь дансанд төлбөрийг шилжүүлсэн байна. Үүнээс гадна Тара Девиг оролцуулаад 26 хүмүүсийн ар гэрт 500,000 рупигийн төлбөр төлсөн тухай мөн баримтыг олжээ. Үүгээр зогсохгүй ойр дотны хүнээ Кумбха Мела наадмын үеэр алдсан хүмүүсийг эрүүл мэндийн шалтгаан ойр дотных нь хүн нас барсан гэж мэдэгдэхийг шаардсан тохиолдлууд байгаа гэнэ.

Нэмээд нөхөн төлбөр олгоогүй 18 хүн нас барсан тохиолдлыг илрүүлсэн төдийгүй хууль ёсны өв залгамжлагч байхгүй гэсэн талбар хийжээ. Кумбха Мела наадмын дараахан BBC 11 мужаар явж 100 гаруй гэр бүлүүдтэй уулзан нотолгоо хангалтгүй тохиолдлуудыг хасаад 82 гаруй хүн нас барсан тохиолдлыг бүртгэж авсан байна.