АНУ-ын Байгаль орчны эрүүл мэндийн салбарт мэргэшсэн Төв байгууллага (Environmental Health Sciences Center)-аас саяхан хийсэн шинэ судалгаагаар термал буюу баримтын цаасанд агуулагддаг химийн бодисууд хүний дааврын системд сөргөөр нөлөөлдөг нь нотлогджээ.

Судалгаанд дурдсанаар, баримтын цаасанд өргөн хэрэглэгддэг бисфенол A (BPA) болон түүнийг орлуулж буй бисфенол S (BPS) нь хүний арьсаар дамжин цусны урсгалд шингэх боломжтой бөгөөд тогтмол харьцаж байгаа хүмүүсийн (жишээлбэл, кассын ажилтнууд, худалдагчид) эрүүл мэндэд ноцтой эрсдэл үүсгэж болзошгүй гэж дүгнэжээ.

“Эдгээр бодисуудын бичил тун хүртэл хүний биеийн дааврын тэнцвэрийг алдагдуулж, үр тогтоох чадвар бууруулах, бодисын солилцоонд сөрөг нөлөө үзүүлэх магадлалтай” хэмээн судалгааг ахалсан эрдэмтэн тайлбарлав.

Судлаачдын зөвлөмжөөр:

• Цахим баримт ашиглахыг дэмжих
• Баримтын цаастай харьцахдаа бээлий өмсөх, шууд арьсанд хүргэхгүй байх
• Ялангуяа жирэмсэн эмэгтэй, хүүхэд, өсвөр насныхан ийм төрлийн цаастай харьцахаас зайлсхийх нь зүйтэйг онцолсон байна.

Зарим улс оронд BPA-ийн агууламжтай баримтын цаасыг бүрмөсөн хориглож эхэлсэн бол бусад нь ээлтэй орлуулагч бодис руу шилжиж байна. Харин манай улсад энэ төрлийн хяналт, стандартын зохицуулалт сул хэвээр байна.