Хиймэл оюун ухаан, робот техник хурдацтай хөгжиж буй энэ эрин зуунд хүн дүрст роботуудын оролцох анхны олимпийн наадам зохион байгуулагдахаар болжээ. Түүхэн энэ үйл явдал 2025 оны есдүгээр сард Грекийн Олимпиа хотод болох юм.

"Robot Olympics" хэмээн нэрлэгдсэн уг тэмцээн нь дэлхийн 15 гаруй орноос 60 гаруй хүн дүрст роботын оролцоотойгоор явагдах бөгөөд робот бүр хиймэл оюун ухаанд суурилсан хөтөлбөр, биеийн болон оюуны чадвараараа өрсөлдөх аж.

 Роботууд дараах төрлүүдээр өрсөлдөнө:

• Гүйх, харайх, тэнцвэрээ хадгалах зэрэг хөдөлгөөний сорилтууд
• Хүнд зүйл өргөх, хурд шалгах хүчний төрөл
• Ярианы чадвар, шийдвэр гаргах, хүний сэтгэл хөдлөлийг таних тестүүд
• Оюуны сорилт – шатар, стратегийн даалгавар, логик бодлого

Энэхүү олимп нь зөвхөн уралдаан биш, инженерчлэл, хиймэл оюун ухаан, хүний-роботын харилцаа зэрэг чиглэлээр шинэ туршилт хийх, олон нийтийн сонирхлыг татах, шинжлэх ухааны хөгжлийг урамшуулах зорилготой юм.

Тэмцээнийг зохион байгуулагчид “Эртний олимпийн өлгий нутагт орчин цагийн дэвшлийн билэг тэмдэг болсон роботыг угтан авч буй нь түүхэн бэлгэдэл” хэмээн онцолжээ.