2025 оны дэлхийн амьдрахад хамгийн таатай хотуудын жагсаалтыг Economist Intelligence Unit (EIU) байгууллагаас танилцууллаа. Судалгаанд дэлхийн 173 хотыг стабиль байдал, эрүүл мэнд, соёл ба хүрээлэн буй орчин, боловсрол, дэд бүтэц гэсэн таван үндсэн шалгуураар үнэлсэн байна.

Энэ жилийн жагсаалтад Дани улсын нийслэл Копенгаген хамгийн өндөр оноо авч, амьдрахад хамгийн таатай хотоор нэрлэгдлээ. Уг хот нь дэд бүтэц, боловсрол, нийтийн аюулгүй байдал зэрэг үзүүлэлтээр бараг 100 оноо авч, урьд өмнө тэргүүлж байсан Вена хотыг гүйцжээ.

 Топ 10 хот:

1. Копенгаген, Дани
2. Вена, Австри
3. Цюрих, Швейцарь
4. Мельбурн, Австрали
5. Женев, Швейцарь
6. Сидней, Австрали
7. Осака, Япон
8. Окланд, Шинэ Зеланд
9. Аделаида, Австрали
10. Ванкувер, Канад

Австрали болон Швейцарийн хэд хэдэн хотууд жагсаалтын дээд байруудад багтсан бол АНУ-ын томоохон хотууд эхний 20-т ч багтаагүй байна. Харин хамгийн амьдрахад хүндрэлтэй гэж үнэлэгдсэн хотуудаар Сирийн Дамаск, Ливийн Триполи, Пакистаны Карачи зэрэг оржээ.

EIU-гийн энэхүү судалгаа нь хот бүрийн амьдрах орчны чанарыг харьцуулан үнэлдэг бөгөөд олон улсын хөрөнгө оруулалт, цагаачлалын чиглэлээр чухал лавлагаа болдог.