Алдарт Тиранозаурус Батаартай төстэй шинэ үлэг гүрвэлийн төрөл зүйлийг палеонтологичид нээж илрүүлэв. 1970 онд анх олдсон чулуужсан олдворыг Жаред Воррис гэх докторант дахин шинжилгээнд явуулсан байна. Тэрбээр 2023 онд Монголд Үлэг Гүрвэлийн Төв Музейг үзэж байхдаа тус олдворыг анхааралтай ажиглаж Тиранозаурусын төрөл зүйлд байдаггүй шинжүүдийг олжээ. Гавлын яс нь хамарт нь тун ойрхон хонхорхойтой байсан гэнэ. Мөн хуруунуудыг хөлтэй нь  онцгойдуу холбож байрлуулсан байв. Ингэж шинэ төрөл зүйл тодорхойлогдон Khankhuuluu mongoliensis буюу Монголын Ханхүү Луу гэх утгатай нэрийг авчээ.

 Калгаригийн их сургуулийн Шинжлэх ухааны факультетын дэд профессор Дарла Зеленицкий ABC News телевизэд Монголын палеонтологич анх энэ чулуужсан олдворыг махчин Alectrosaurus olseni үлэг гүрвэлийнх гэж байсан. Тэр үеэс хойш олдворуудыг тийм ч "нухацтай" авч үзээгүй гэжээ. Дарла бол Nature сэтгүүлд шинэ нээлттэй холбоотой судалгаа бичсэн судлаачдын нэг. Үлэг гүрвэлүүд ойролцоогоор 750 кг жинтэй байсан гэж үздэг. Энэ төрөл зүйл дөрвөн метр орчим урт байв. Ворисын хэлснээр хүн төрөлхтөн энэ үлэг гүрвэлтэй нэгэн зэрэг амьдарч байсан бол Ханхүү лууд төгс хоол болох байжээ.