ОХУ-ын ерөнхийлөгч В.Путин Москва өнгөрсөн амралтын өдрүүдэд болсон дроны дайралтад зайлшгүй хариу өгөх хэрэгтэй гэж Д.Трампд утсаар мэдэгджээ. Трамп 2 талыг эвлэрүүлэх, энхийн хэлэлцээрт зуучлах замаар дайныг зогсоохыг оролдож байгаагийн хувиар энэ хямралд зохих зохицуулалтыг хийхийг оролдож байгаа гэж хэлсэн байна. 75 минутын харилцан яриа Украйнд болж буй дайныг яаралтай зогсоох хэмжээнд байгаагүй нь ойлгомжтой. “Бид Украйны дайралтад өртсөн Оросын онгоцнуудын талаар, 2 талаас хийсэн янз бүрийн дайралтуудын талаар ярьсан” гэж Truth Social дээрх өөрийн хаягтаа нийтэлжээ. “Сайн ярилцсан, гэхдээ шууд энх тайванд хүргэж чадахгүй”

“Путин ерөнхийлөгч агаарын хүчинд нь өгсөн цохилтод хариу арга хэмжээ авах ёстой гэж их хүчтэй хэлсэн” гэжээ. ОХУ энэ дайнд нөөцөө бүрэн шавхаж буланд шахагдвал цөмийн зэвсэг хэрэглэнэ гэж эмээж байгаа барууны улс орнуудад байгаа хамгийн боломжтой акц нь эдийн засгийн хориг арга хэмжээ. Зеленский Оросын агаарын хүчний 34 орчим хувийг сүйтгэсэндээ ихээхэн бардаж буй. Дайнд хамгийн чухал зүйл бол нөөц бөгөөд хямд төсөр аргаар ийм хэмжээний хохирол учруулна гэдэг бардахаар зүйл мөн. Гэхдээ хариу цохилтонд нь бэлэн эсэхэд ажиглагчид эргэлзэж байна. 2000 онд Путин төрийн эрхэнд гарч ирсэнээр түүхэн статус, геополитикийн нөлөөгөө сэргээхийг гол зорилт болгосон. Ер нь ч Орос ямар ч төртэй байсан гадаад бодлогын үндсэн зорилго нь их гүрэн байх, их гүрний байр суурийг хүлээн зөвшөөрүүлэх тэмцэл байсаар ирсэн. Тэр хэмжээний хохирол дайсан нь учруулсан бол хариуг нь нэмж өгж таарна. Ийм улс нөлөөний бүсүүддээ их эмзэг ханддаг. Нөлөөний бүс гэдэг бол энгийн ойлголтоор их гүрэнд хашаа, хамгаалалт гэсэн үг. Нөлөөний бүсэд өөр гүрний эсвэл холбоотнууд ойртвол дайн бол гарцаагүй зүйл гэж олон улсын харилцааны реалист онолчид үздэг. Шархадсан баавгай хэр их аюултай вэ? Зеленский эх орноо хамгаалчхав уу? Эсвэл муурын сахалаар оролдчхов уу?