2025 оны 6-р сарын 4-нд АНУ-ын Ерөнхийлөгч Дональд Трамп үндэсний аюулгүй байдлын үүднээс 12 орны иргэдийг АНУ-д нэвтрэхийг бүрэн хориглосон зарлигт гарын үсэг зуржээ.

Энэхүү хориг нь 2025 оны зургаадугаар сарын 9-ний өдрөөс эхлэн хэрэгжих бөгөөд дараах улсын иргэдэд хамаарна. 

 Бүрэн хориглосон 12 улс:

1. Афганистан

2. Мьянмар (Бирм)

3. Чад

4. Бүгд Найрамдах Конго Улс

5. Экваторын Гвиней

6. Эритрей

7. Гаити

8. Иран

9. Ливи

10. Сомали

11. Судан

12. Йемен

 Хэсэгчлэн хориглосон 7 улс:

Дараах улсуудын иргэдийн хувьд АНУ-д байнга оршин суух виз болон тодорхой ангиллын түр визүүдийг авахад хязгаарлалт тогтоосон байна:

1. Бурунди

2. Куба

3. Лаос

4. Сьерра Леоне

5. Того

6. Туркменистан

7. Венесуэл

Ерөнхийлөгч Трамп энэхүү хоригийг үндэсний аюулгүй байдал, визийн системийн зөрчил, визийн хугацаа хэтрүүлэн үлдэх зэрэг эрсдэлтэй холбоотой гэж тайлбарласан байна. Гэсэн хэдий ч, энэ шийдвэр нь хууль ёсны байнгын оршин суугчид, тусгай виз эзэмшигчид болон 2026 оны Хөлбөмбөгийн дэлхийн аварга шалгаруулах тэмцээн, 2028 оны Олимп зэрэг олон улсын томоохон спортын арга хэмжээнд оролцогчдод хамаарахгүй юм.