Бүгд Найрамдах Социалист Вьетнам Улс (БНСВУ) 1988 онд хосууд 2-оос дээш хүүхэдтэй байж болохгүй гэсэн хууль санаачилсан. Вьетнамын мэдээний агентлаг одоогоос хэдэн хүүхэдтэй болох нь хосуудын хувийн шийдвэр байх болно гэж мэдээллээ. Тус улс сүүлийн гурван жилийн хугацаанд түүхэндээ хамгийн бага төрөлттэй байсан бөгөөд өнгөрсөн онд нийт төрөлтийн түвшин нэг эмэгтэйд 1.91 хүүхэд ногдож байв. Нөхөн үржихүйн түвшнээс доогуур байгаа талаар Вьетнамын Эрүүл мэндийн яам энэ онд мэдэгдэв. Төрөлтийн түвшин 2021 онд нэг эмэгтэйд 2,11 хүүхэд ногдож байсан бол 2022 онд 2,01 харин 2023 онд 1,96 болж буурчээ. Энэ хандлага нь хотожсон, эдийн засгийн хувьд өндөр хөгжилтэй бүс нутгуудад, ялангуяа Ханой, Хо Ши Мин зэрэг томоохон хотуудад амьжиргааны өртөг нэмэгдэхийн хэрээр илүү тод ажиглагдаж байна. Оффисын ажилтан 22 настай Тран Мин Хуонг AFP агентлагт хэлэхдээ хүүхэдтэй болох төлөвлөгөөгүй байсан тул засгийн газрын зохицуулалт түүнд тийм ч чухал биш гэж мэдэгджээ."Хэдийгээр би эмэгтэйчүүд гэрлэж, хүүхэдтэй байх ёстой гэсэн нийгмийн хэм хэмжээтэй ази хүн ч хүүхэд өсгөхөд хэтэрхий их зардал гарна."

Эрүүл мэндийн дэд сайд Вин Ти Лиен Хуонг энэ оны эхээр болсон бага хурлын үеэр хэлэхдээ, бодлогын зохицуулалт, олон нийтийн кампанит ажлыг үл харгалзан гэр бүлүүдийг олон хүүхэдтэй болгоход дэмжлэг үзүүлэх нь хэцүү байгааг анхааруулав. Төрөлтийн түвшин буурч байгаа нь хүн амын хөгшрөлт, ажиллах хүчний хомсдол зэрэг нийгэм, эдийн засгийн урт хугацааны хөгжилд хүндрэл учруулж байгааг онцоллоо. Тэрээр нийгмийг зөвхөн гэр бүл төлөвлөлтөд анхаарахаас илүү өргөн хүрээтэй хүн ам, хөгжлийн хэтийн төлөв рүү шилжүүлэхийг уриалав. Вьетнам улс мөн эрэгтэй хүүхдүүдийг илүүд үздэг байснаас үүдэн хүйсийн тэнцвэргүй байдалтай тэмцэж байна. Төрөх үеийн хүйсийн харьцаа сайжирсан ч хазайсан хэвээр 100 охин тутамд 112 хүү гэсэн харьцаатай байна. 45 настай Хоанг Ти Оан гурван хүүхэдтэй ч хоёр хүүхэдтэй байх бодлогын улмаас бага хүүхдээ төрүүлснээс хойш авдаг тэтгэмж нь буурчээ. "Эцэст нь эрх баригчид энэ хоригийг арилгасан нь сайн хэрэг гэхдээ өнөө үед хоёроос дээш хүүхэд өсгөх нь хэтэрхий хэцүү бөгөөд зардал ихтэй" гэж тэр хэлэв. "Зоригтой хосууд, боломжийн амьдралтай хүмүүс л тэгэх байх. Хоёроос дээш хүүхэд төрүүлэхийн тулд эрх баригчид урамшуулал хүртэл өгөх ёстой гэж бодож байна." Вьетнамын аварга хөрш Хятад улс 1980-аад онд хүн ам хэт олшрохоос болгоомжилж байсан хатуу "нэг хүүхдийн бодлого"-оо зогсоож, 2016, 2021 онд хосуудад гурван хүүхэдтэй болохыг зөвшөөрсөн юм. Гэвч олон орны нэгэн адил амьжиргааны өртөг нэмэгдэж байгаа нь төрөлтийг удаашруулсан. Энэ алхам нь Хятадын хүн ам зүйн уналтыг зогсоож чадаагүй бөгөөд 2024 онд хүн ам нь гурав дахь жилдээ дараалан буурчээ.

Эх сурвалж: AFP