ЗХУ-ын Ардын жүжигчин Алла Борисовна Пугачёва 2022 онд Орос-Украйны дайн эхлэхэд нөхөр Максим Галкинтай хамт Израйл улс руу эх орноо орхин гарсан. Тус оны найман сард “асуудлыг цэгцэлж”, “хүмүүсийн бодож байгаа будилааныг цэгцлэх” зорилготой ОХУ-д буцаж очсон. Сарын дараа еврей гаралтай нөхрийг нь “гадаадын агент” гэж зарласны дараа Алла өөрийг нь ч мөн тэгж зарлахыг Хууль Зүйн Яамандаа сануулсан. Олон залуус шалтгаангүй, шахалтаар утга учиргүй амь насаа алдаж байгаа талаар ярьж, дайныг хүчтэй эсэргүүцсэн.

"Шударга, үнэнч, сайн сайхан нөхөр минь эх орныхоо хөгжин цэцэглэлт, энх тайван амьдрал, үг хэлэх эрх чөлөө болон манай орныг тусгаарлаж, иргэдийн амьдралыг хүнд хэцүү болгож байгаа төөрөгдсөн шалтгааны төлөө залуус амиа алдаж буй явдлыг зогсоох хүсэлтэй авлигад автахааргүй жинхэнэ эх оронч хүнийх нь хувьд би эр нөхөртэй салшгүй нэг байр суурьтай байна. Ийм учраас намайг хайрт эх орон минь гадаадын агентаар тооцно уу гэж хүсмээр байна" хэмээн 2022 оны есдүгээр сарын 18-нд Украйны дайны талаар ярилцлага өгч байв.

Үүнээс хойш ОХУ дуучин эмэгтэйг мөрдөн шалгасан бөгөөд Израйл руу аравдугаар сард буцсан. Хоёр хоногийн өмнө “Абзац” хэвлэлд Алла энэ зун эх орондоо эргэн ирнэ гэсэн мэдээлэл гарсан. Сэтгүүлч Вадим Манукян түүнийг “Новая Волна” буюу Шинэ давалгаа нэртэй Оросын томоохон шоунд уригдсан талаар мэдээлжээ. Аллаг ирвэл сөрөг үр дагавар гарж магадгүй. Вадим Манукян хэлснээр бол “Тэр цаг үеийн талаар мэдэгдэл хийх гэж ирж магадгүй. “Шинэ давалгаа” бол нэр хүндтэй арга хэмжээ. Түүний оролцоо янз бүрийн үр дагаварыг гаргаж болзошгүй” гэсэн юм. Эрх зүйн хувьд эх орондоо ирэхэд ямар нэгэн хориг байхгүй ч гэлээ тус шоунд хэрэв орвол “муу дохио” ч байж болно гэж В.Манукян тэмдэглэжээ.