Технологи хурдацтай хөгжихийн хэрээр ажиллах хүчний хандлага ч өөрчлөгдөж байна. Сүүлийн үеийн судалгаагаар Gen Z буюу 1996–2012 оны хооронд төрсөн залуусын 10 хүн тутмын 1 нь AI (хиймэл оюун ухаан) даргатай байхыг илүүд үзэж байгааг харуулжээ.

 Энэхүү судалгааг боловсролын технологийн EduBirdie компани хийсэн бөгөөд 18–27 насны залуусын ажиллах орчны талаарх хандлагыг тодорхойлох зорилготой байв.

Хиймэл оюун ухаан ба удирдлага Судалгаанд оролцогчдын олонх нь AI даргыг дараах шалтгаанаар дэмжжээ:

• Шударга шийдвэр гаргалт — AI нь хүний сэтгэл хөдлөл, ялгаварлалгүйгээр өгөгдөлд суурилан шийдвэр гаргана гэж үздэг.

• Шүүмжлэлгүй орчин — Хүний удирдлагад байнга сэтгэлзүйн дарамт мэдэрдэг залуус AI даргатай байвал өөрийгөө илэрхийлэхэд илүү чөлөөтэй байна гэжээ.

• Технологид итгэх итгэл — Gen Z нь технологитой өссөн тул хиймэл оюун ухааныг “айх зүйл бус, боломж” гэж хүлээн авч байна.

Залуусын энэ хандлага нь зөвхөн AI-д итгэж буй итгэл биш, харин уламжлалт удирдлагын тогтолцоо тэдний хэрэгцээ, хүлээлттэй нийцэхгүй байгааг ч илэрхийлж байна. “AI дарга бол миний хувьд хөндлөнгөөс шүүхгүй, өгөгдөлд тулгуурласан удирдагч байх боломжтой. Ингэснээр би илүү бүтээлч, үр дүнтэй ажиллаж чадна.” гэж 24 настай ажил хайгч эмэгтэй ярьжээ.

Үүнээс дүгнэхэд, Gen Z үеийнхэн зөвхөн цалин биш, сэтгэл зүйн аюулгүй байдал, технологид суурилсан удирдлагыг чухалчилж байна. Энэ нь байгууллагуудад шинэ үеийн хүлээлтэд нийцсэн удирдлагын хэв маяг боловсруулах дохио болох биз ээ.