АНУ-ын Ерөнхийлөгч Дональд Трампын засаг захиргаа өчигдөр /2025.05.22/ албан ёсоор мэдэгдэл гаргаж, Харвардын их сургуулийн оюутан солилцооны хөтөлбөрийн гэрчилгээ хүчингүй болсныг зарлалаа. 

Тус яам мэдэгдэлдээ, Харвардын удирдлагууд "Америкийг эсэргүүцсэн, алан хядах ажиллагааг дэмжсэн үймээн дэгдээгчдийг сургуулийн бүсэд чөлөөтэй үйл ажиллагаа явуулахыг зөвшөөрснөөр аюулгүй байдлыг алдагдуулж дэлхийд боловсролоороо нэртэй сургуулийн нэр хүндэд халдаж байна" гэж тайлбарлажээ.

Харин нөгөө талаараа энэ шийдвэрийн дагуу Харвард 2025–2026 оны хичээлийн жилд гадаад оюутан элсүүлэх боломжгүй болж, одоогийн суралцаж буй 6,800 гаруй гадаад оюутны ирээдүй тодорхойгүй болж байгаа гэнэ. Зарим оюутнууд 72 цагийн дотор өөр сургууль руу шилжихгүй бол визийн эрхээ алдах эрсдэл үүсжээ.

АНУ-ын Дотоодын аюулгүй байдлын сайд Кристи Ноем Харвардыг:

• Хүчирхийлэл болон антисемит үзлийг өөхшүүлсэн,

• Хятадын Коммунист намтай холбоотой судалгааны ажил явуулсан гэх үндэслэлээр ийм шийдвэр гаргасан гэж мэдэгдсэн байна. Харин Харвардын их сургууль уг шийдвэрийг “хууль бус” гэж үзэж, гадаад оюутнуудаа хамгаалах, шүүхээр тэмцэх байр суурь илэрхийлжээ. Энэхүү шийдвэр АНУ-ын боловсролын салбарын олон улсын нэр хүндэд хүнд цохилт болж байгаа талаар судлаачид, хуульчид анхааруулж байна.