23 настай инфлюсер Валериа Маркиз Мексик улсын Халиско хотод ТикТок дээрх шууд дамжуулалтын үеэр буудуулж нас баржээ. Улмаар Халискогийн картелийн толгойлогч Рикардо Руйз Веласког тус хэрэгт холбоотой гэсэн мэдээлэл тарсан байна. Сэжигтэн инфлюсер бүсгүйтэй хувийн харилцаатай байсан бөгөөд дэмжигчдээс нь өгсөн их хэмжээний бэлэг сэлтэд дургүйцэн хардсан байж болзошгүй байна. 113,000 дагагчиддаа зориулан гоо сайхны салонд шууд дамжуулалт хийж байхад нь масктай этгээд орж ирээд "Та Валериа мөн үү?" гэж асууж талийгаачийг "тийм ээ" гэж хариулсны дараа 2 удаа буудаад мотоциклоор зугтжээ. Тус хэргийг гүйцэтгэсэн этгээдийг хараахан олоогүй байгаа байна.

Өнгөрсөн ням гарагт Иесениа Лара Гутеррез гэх хотын даргын сонгуульд нэр дэвшиж буй эмэгтэйг мөн буудаж хөнөөсөн нь шууд дамжуулалтаар бичигдсэн байна. Энэ талаар барууны хэвлэлүүд "фемицид" буюу жендэрт тулгуурласан эмэгтэйчүүд рүү чиглэх хүчирхийллийн шинжтэй гэж үзэж байна.