АНУ-ын ерөнхийлөгч Доналд Трамп ням гарагт жороор олгодог эмийн үнийг бусад өндөр хөгжилтэй орнуудын төлдөг үнийн дүнтэй ижил хэмжээнд хүртэл бууруулах зарлигт гарын үсэг зурна гэдгээ мэдэгдсэн юм. Энэ нь эмийн үнэ 30%-80% хүртэл хямдарна гэсэн үг юм.

Түүний Truth social-д нийтэлснээр бол энэ даваа гарагийн өглөө олон улсын жишиг үнэ эсвэл “хамгийн онцгой эрхтэй улс”-ын аль нэг нь болох зарлигт гарын үсэг зурах аж. Бусад хөгжингүй улс орнуудыг бодвол АНУ жороор олгодог эм, бэлдмэлүүдэд хамгийн их мөнгө зардаг бөгөөд ойролцоогоор 3 дахин их гэсэн үг. Трамп тэрхүү тархалтыг зогсоохыг хүсэж буйгаа мэдэгдсэн ч олон нийтэд хэрхэн хийх талаар мэдэгдээгүй. Нийтлэлдээ нарийн мэдээлэл ч оруулаагүй юм. Трамп “АНУ дэлхийн хамгийн бага үнийг төлдөг улстай адилхан үнийг төлдөг Хамгийн Онцгой Эрхтэй Үндэстэн болох бодлого бий болгоно” гэж нэмж хэлжээ. “Засгийн газараас үнийг тогтоож буй ямар ч хэлбэр Америкийн хэрэглэгчдэд сөрөг нөлөөтэй” хэмээн Трампын гаргахаар төлөвлөсөн зарлигтай холбоотой ярилцлагад АНУ-ын эмийн компаниудын лобби байгууллага болох “Pharmaceutical Research and Manufacturers of America"-ын(Америкийн эмийн судалгаа болон үйлдвэрдэгчдийн холбоо)
хэвлэлийн төлөөлөгч Алекс Шривер мэдэгдсэн. Ерөнхийлөгч Трампын зүгээс эм бэлдмэлийн үнийг бусад орны үнэтэй тэнцүүлэх гэсэн анхны оролдлого биш юм. Түүний өмнөх бүрэн эрхийн хугацааны үед шүүхээс олон улстай жишиг үнэ тогтоох хөтөлбөрийг нь зогсоосон юм. 5 жилийн өмнөх тэрхүү санал нь татвар төлөгчдийн мөнгөнөөс 7 жилийн хугацаанд 85 тербум долларыг хэмнэж, жилийн эм бэлдмэлд зарцуулах дүнг 400 тербум доллар хүртэл бууруулахаар өөрийнх нь засаг захиргаа төлөвлөсөн байжээ.

Эх сурвалж: Reuters