Бидний цэрвэж яршигладаг хог хаягдалыг цуглуулж өөрсдийхөөрөө дахин  боловсруулаад хөгжим бүтээж бүтэн оркестрийн хэмжээнд хүргэж Моцартаас Франк Синатрагийн хөгжимийг хүртэл хөглөн улс төрчид, хаад болон Пап лам Францисийн мэнд ахуйд өмнө нь тоглолтоо тавиад зогсохгүй Стиви Вондер, Металлика зэрэг домог болсон хамтлаг уран бүтээлчидтэй хамтарсан гэвэл та итгэх үү?

Парагвай улсын  нийслэл Асунсион хотын Катеура хогийн цэгийн ойролцоо амьдрах бяцхан хүүхдүүдэд хөгжмийн боловсрол олгох хөтөлбөр Sonidas de la terra буюу Дэлхийн хөгжим төслийн хүрээнд эхэлсэн. 8-12 насны бяцхан хүүхдүүд энэ төсөлд хамрагдаж хандивийн 10 гитартай эхэлсэн бөгөөд 2007 оноос 20 тооны гитарыг хаягдал мод ашиглан бүтээсэн бөгөөд тухайн жилийнхээ 11 сард хаягдал хайруулын таваг, сэрээ зэргээр хийл бүтээсэн нь Германд дэлгэгдэж байв. Өдгөө тус хогийн цэг дээр хөгжмийн сургууль ажиллаж буй бөгөөд 300 гаруй хүүхэд залуучуудад аюулгүй орчинг бүрдүүлж урлагийн болон нийгмийн чадваруудад суралцан хүрээлэн буй орчныхоо саад тотгорыг давах гүүр нь болж байна. Оркестрад нэгдсэн хүүхэд багачуудын хувьд олон тэтгэлэг нийгмийн дэмжлэгүүдэд хүрч тусгай болон их дээд сургуулийн боловсролд хүрсэн бөгөөд ихэнх нь гэр бүлээсээ коллежийн боловсрол эзэмшиж буй анхны хүмүүс болжээ. Хүүхдийн хүсэл мөрөөдөл, урам зориг гэдэг овоолсон хогон дунд ч дарагддаггүй. Авьяас чадварыг нь багахаан дэмжээд өгвөл хог новшноос ч хөг эгшиг олж чадна гэдгийг энэ түүх батлах бизээ.