Нарендра Моди газар нутгийн маргаантай бүс нутаг Кашмирийн Пахалгам хотод зэвсэгт халдлага үйлдэж 26 хүний амь насыг хөнөөсөн этгээдүүдийг барьж шийтгэлийг нь амсуулна гэж амлалаа. Пакистаны ерөнхий сайд Шехбаз Шарифф энэтхэгийн талд өнөөдөр хариу өгнө хэмээн хүлээж байна. Энэ асуудалтай холбоотой сүүлийн үеийн мэдээнүүдийг хүргэж байна.

Нарендра Моди Энэтхэг улс халдлага үйлдсэн этгээдүүдийг “газарын мухар” хүртэл мөшгинө гэж хэлэв

Энэ пүрэв гарагт энэтхэгийн ерөнхий сайд Нарендра Моди Пахалгамд халдлага үйлдсэн этгээдүүдийн эсрэг хүчтэй арга хэмжээ авна гэдгээ мэдэгдлээ.

Тэр “Би дэлхий нийтэд хэлж байна: Энэтхэг улс бүх террорист болон тэдний ард буй этгээдүүдийг тодорхойлж, мөрдөж олоод шийтгэх болно. Бид тэднийг газарын мухар хүртэл мөшгинө” хэмээн мягмар гарагт болсон халдлагаас хойш анх удаа энэ талаар ярихдаа хэлсэн байна. Энэтхэгийн талаас пакистаны элчин сайдын яамны шилдэг дипломат гэгддэг Саад Ахмад Варрайхыг лхагва гарагийн шөнө дуудан уулзсан бөгөөд халдлагатай холбоотойгоор Пакистан улстай дипломат харилцаагаа “бууруулж”байгаа. Тус халдлагын улмаас 26 хүн амиа алдаж олон тооны хүн гэмтэж бэртсэн.

Энэтхэг, Пакистаны харилцаа муудаж байна

Энэтхэгийн гадаад харилцааны нарийн бичгийн дарга Викрам Мисри Энэтхэг улс Пакистанаас бүх цэргийн атташе нараа эгүүлэн татаж байгаа бөгөөд Исламабад хот дахь дипломат төлөөлөгчийн газарт ажилчдын тоог 55аас 33 болгож цөөлж буйг хэлсэн. Мисри Энэтхэгийн зүгээс тухайн халдлагад хилийн цаанаас оролцоо байгаа гэж үзэж буйг нэмж хэлсэн нь Британы эзэнт гүрнээс тусгаар тогтносон цагаасаа хурцадмал харилцаатай байсан хөршөө хэлж буй хэрэг юм. Өчигдөр Энэтхэг улс дипломат хариу арга хэмжээний хүрээнд хил давах гол боомтыг хааж Инд мөрний ус хуваалцах гэрээг цуцалсан байна

Эх сурвалж: DW