Пап лам 88 насандаа таалал төгслөө.

Хорхе Марио Бергоглио 1936 оны 12 сард Аргентиний Буенос Аерос хотноо мэндэлсэн. 1958 онд хүнд өвчин тусч, эдгэрсний дараагаар Есүсийн нийгэмлэгт гишүүн болохоор шийджээ. Филисофи, теологийн мэргэжилтэй тэрээр америк тивээс сонгогдсон анхны пап лам төдийгүй бэлгийн цөөнхүүдийн эрхийг хүлээн зөвшөөрсөн юм.  Мөн хүний эрхийн төлөө зоригтой дуугарч эмэгтэйчүүдийн оролцоог нэмэгдүүлэхэд анхаарсан.

14 дахь пап лам Бенедикттэй нөхөрлөсөн түүхийг нь харуулсан  “2 пап” уран сайхны кино Оскарт нэр дэвшиж байсныг та бүхэн санаж байгаа байх. 2023 оны 8 сарын сүүлээр тэрээр Монгол улсад айлчлал хийж Монголын Буддын шашны тэргүүнүүдтэй уулзаж  католик болон буддын шашинтнуудыг энх тайван, хүчирхийлэлгүй дэлхийн төлөө хамтран ажиллахыг уриалж байв. Мөн тэрээр айлчлалынхаа төгсгөлд манай хөрш БНХАУ дахь шашин шүтэх эрх чөлөөний талаар асуудлыг хөндөж хятадын ард түмэн болон хятад дахь христийн шашинтнуудад мэндчилгээ хүргэсэн нь олон улсын ач холбогдолтой байлаа.

Хүн төрөлхтний энх тайван, эв найрамдлын бэлэг тэмдэг болсон Хорхе Марио Бергоглио 88 насандаа уушгины хатгаа өвчнөөр нас баржээ. Тэрээр эмнэлэгт хэвтэн эмчлүүлж гарсны дараа нас баржээ.