Бээжингийн Хүн Төрхөт Роботын Инновацийн Төвийн (Beijing Humanoid Robot Innovation Center) бүтээсэн “Тиангонг Ультра” нэртэй робот өнгөрсөн бямба гарагт анх удаа хагас марафонд 2 цаг, 40 минут, 42 секундын амжилттай  түрүүлж түүх бүтээлээ. 1.8 метр өндөртэй 52 кг жинтэй Тиангонг Ультра нэртэй робот 10км цагийн жигд хурдтай заримдаа 12км цаг хүртэл хурдлан гүйж байжээ. Өөрийнх нь нэрийг зүүн мөрөн дээр нь бичсэн бөгөөд тод улбар шар майк, хар гүйлтийн гутал өмссөн байсан нь хүмүүсийн хайрыг татаж байв.

Тус төвийн технологи хариуцсан захирал Танг Жиан тус роботын урт хөл тусгай алгоритм нь хүний марафонд гүйх зүй тогтолыг дуурайлгаж бүтсэн талаар хэлсэн. Тус уралдааныг үзэхээр цугларсан хүмүүс түүхэн үйл явдлын гэрч болж байгаадаа сэтгэл нь хөдөлсөн байлаа. Уралдаанд оролцсон хиймэл оюун ухааны мэргэжилтэн Хи Сишү “Роботууд үнэхээр сайн бас тэнцвэртэй гүйж байна..... Би яг л робот  болон хиймэл оюуны хувьсгалын гэрч болж байгаа юм шиг санагдаж байна” гэж хэлжээ. Тэмцээн олны сайшаалд хүрсэн ч гэлээ зарим ажиглагчид  робот бүрийг техникийн туслах баг болон чиглүүлэгч нар дагаж явж байсныг дурьдсан. Хүн дүрст роботууд өмнө нь хятадад марафоны үйл ажиллагаанд оролцож байсан ч гэлээ албан ёсоор хүмүүстэй уралдаж буй нь анхны удаагийн явдал болж байгаа билээ.