Сүүлийн үед гелэн вок буюу угаалгын капсулан шингэнийг ахуйн хэрэглээнд өргөнөөр ашиглаж байна. АНУ-д хийгдсэн судалгаагаар 2012-2014 онд 18 ба түүнээс доош насны хүүхдүүдийн дунд гелэн вокны хордлогын 9814 тохиолдол бүртгэгдсэн байна. Үүний ихэнх хувийг 0-5 насны хүүхдүүд эзэлж байгаа бөгөөд нийт тохиолдлын 12.5 хувь нь эмнэлэгт хэвтэж эмчлүүлсжээ. Нунтаг воктой харьцуулбал гелэн вокны хордлогод өртсөн хүмүүс эмнэлэгт хэвтэн эмчлүүлэх магадлал 4 дахин их байна. 

Тиймээс, 

Бага насны хүүхдийг хараа хяналтгүй орхихгүй байх

Гелэн вокыг хүүхдийн гар хүрэх боломжгүй, харагдахгүй газар (түгжигддэг шүүгээ, өндөр тавиур) хадгалах

Зориулалтын саванд нь байлгаж, ашиглахгүй үед савыг сайтар таглах

Хэрэглээд дууссан хоосон савыг бусад зүйл хадгалахад ашиглахгүй байх

Хэрэв хэн нэгэн санамсаргүйгээр гелэн вок залгисан бол нэн даруй эмнэлэгт хандана уу.