Өмнөд Солонгосын Кёнги мужийн Гванмён хотод өнөөдөр /2025.04.11/ 15:17 цагийн орчимд метроны байгууламж нурж, хоёр ажилчин сураггүй болсон. Сураггүй болсон хоёр ажилтны нэгтэй нь холбогдсон бөгөөд нуранги дор дарагдсан байгаагаа мэдэгдэж чаджээ. Нийт 17 ажилтан барилгын талбай руу аюулгүй байдлын шалгалт хийхээр очсон ч тавтай нь холбогдох боломжгүй болсон. Гэхдээ удалгүй гурав нь аюулгүй байгааг баталгаажуулж чадсан байна.

Метроны байгууламжийн дээрх зам болон худалдааны барилгууд нуралтын улмаас эвдэрсэн. Гэхдээ ойролцоох барилгуудад хүний амь нас хохироогүйг цагдаагийнхан мэдээлэв. Барилгын ажилчдын мэдээлснээр газар доор 30 метрийн гүнд байрлах хонгилын тулгуурч хагарч, хонгил дотроос сэжиг бүхий дуу чимээ сонсогдсон аж.

Ослын дараа Кёнги мужийн Гванмён болон Аньян хотуудын хоорондох замыг хаажээ. Тухайн байгууламжийн ойр орчимд хөрсний нуралт үүсэх эрсдэл илэрсэн тул ийм шийдвэр гаргасан байна. Нуралт болсон Синансан шугам нь Сөүл хотыг дагуул хот болох Гванмён, Ансан, Сихеунгтэй холбох бөгөөд нийт урт нь 29.7 км  байх юм. Төлөвлөгөө ёсоор 2026 оны арванхоёрдугаар сард ашиглалтад орох ёстой.