Америкийн "Politico" хэвлэлд АНУ-ын Ерөнхийлөгч Украины дайныг "бизнесийн алтан боломж" болгон ашиглаж, ашигт малтмалын гэрээг Киевт туйлын таагүй нөхцөлөөр тулгах гэж оролдож байна гэж NBN хэвлэл мэдээлэв.

Хэлэлцээрийн хамгийн сүүлийн хувилбараар бол АНУ Украины байгалийн хий, газрын тос, нүүрс устөрөгч, түүнчлэн бараг бүх металл, чухал ашигт малтмалын борлуулалтаас олсон орлогын тэн хагасыг авах бөгөөд мөн ашигт малтмалтай холбоотой аливаа дэд бүтцээс ашиг хүртэх аж.

Үүнээс гадна Украин Вашингтонд дайны өр гэж дор хаяж 100 тэрбум ам.долларын өрийг төлөх хүртэл байгалийн баялгаас олох бүх ашгийг авах аж. Цагаан ордны тэргүүн түрэмгийлэгч ОХУ-аас хохирлыг барагдуулахыг шаардахгүй, харин “дайны дамын наймаачин” болж, Украины эгзэгтэй нөхцөл байдлыг өөрийн ашиг сонирхлын үүднээс ёс суртахуунгүй ашиглаж байгааг сэтгүүлчид тэмдэглэсэн байна.

Эх сурвалж: Sonin.mn