Даваа гараг /2025.03.24/-ийн орой Сөүл хотын зүүн дүүрэгт авто зам гэнэт цөмөрч, мотоциклтой зорчигч 20 метрийн өргөн нүхэнд унаж, нүхэн дээгүүр амжиж гарсан автомашины жолооч бэртсэн. 

Олон цаг үргэлжилсэн аврах ажиллагааны үр дүнд нүхэнд унасан хүний цогцсыг олсон тухай Өмнөд Солонгосын онцгой байдлын албаныхан мэдээллээ. 30 гаруй насны эрэгтэйг өглөөний 11:22 цагийн үед 50 метрийн гүнээс олоход зүрх нь зогссон байсан байна. Өмнөх шөнийн 1:37 цагт нүхнээс хохирогчийн гар утсыг, үүнээс хойш хоёр цагийн дараа 30 метрийн гүнээс мотоциклыг нь олж байжээ. Аюулгүй байдлыг хангах үүднээс Сөүлийн эрх баригчид өчигдөр тухайн бүсэд оршдог ерөнхий боловсролын дөрвөн сургуулийг түр хугацаагаар хаасан байна.

Эх сурвалж: Yonhap News