Герман болон Украины бусад холбоотнууд АНУ зэвсгийн дэмжлэгээ зогсоох шийдвэр гаргасны дараа Киевийн алдсан тусламжийн ихэнх хэсгийг нөхөж өгөхийг хүсч байгаагаа илэрхийлэв. Энэ талаар Германы Батлан хамгаалахын сайд Борис Писториус мэдэгдсэнийг Tagesschau сонин дамжуулав.

Тэрбээр Украины Батлан хамгаалахын сайд Рустем Умеровтой уулзах үеэрээ "Мэдээж хэрэг, бид Америкийн дэмжлэг алдагдсаныг шинэ тусламжаар, бага ч болов хэмжээгээр нөхөж өгөхийг хичээж байна" гэж хэлжээ.  

Писториусын хэлснээр, энэхүү хүсэл эрмэлзэл нь "их бууны сумнаас авахуулаад командын харилцаа холбоо" хүртэлх бүх зүйл, тухайлбал Америкийн Starlink хиймэл дагуулын системээр дамжуулан хангах хүртэл өргөн хүрээг хамрах аж. 

Хамгийн гол онцгой анхаарал хандуулах зүйл бол Украины агаарын довтолгооноос хамгаалах системийг дэмжих, хуурай замын цэргийн хүчийг бэхжүүлэх явдал юм гэж сайд тэмдэглэсэн байна.  

Писториус мөн Герман улс гурван тэрбум еврогийн өртөгтэй тусламжийн багцыг аль хэдийн бэлдсэн гэж мэдэгджээ.

Батлан хамгаалахын сайд хэлэхдээ, “Энэхүү багцын санхүүжилтийг хурдан шуурхай хийх нь энэ хэлэлцүүлгийн сэдэв юм. Би энэ асуудлын шийдлийг хурдан олохыг эрмэлзэж байна, тиймээс Украинд яаралтай нэмэлт тусламж хэрэгтэй байна" гэж онцлон тэмдэглэсэн байна. 

Эх сурвалж: hromadske.ua