Канадын Торонто хотын нисэх онгоцны буудалд газардах үедээ осолдож, хөмөрсөн онгоцны зорчигч бүрд 30 мянган ам.долларын нөхөн төлбөр олгохоор боллоо. 80 зорчигчтой тус онгоц газардах үедээ хөмөрч, дээш харсан нь маш ховор үзэгдэл болсон бөгөөд азаар хүний амь эрсдээгүй юм. Ослын шалтгааныг тодруулахаар ажиллаж байгаа бөгөөд бэртсэн 21 хүн бүгд эмнэлгээс гарсан гэв.

Delta Air Lines компанийн хуульчийн өгсөн мэдээллээр энэ 30 мянган ам.долларын нөхөн төлбөр нь зорчигчид богино хугацааны санхүүгийн хүндрэлээ давахад нь туслах зорилготой урьдчилгаа төлбөр гэж тодотголоо. Уг ослын дараа онгоцны багийнхан болон холбогдох албаныхан зорчигчдыг түргэн шуурхай гаргаж, аварсан нь олны талархлыг хүлээж байна. 

Эх сурвалж: BBC