ХӨСҮТ-өөс Мpox-сармагчны цэцэг өвчний талаар мэдээллээ. Ойрын өдрүүдэд БНХАУ, Австралид үхлийн аюултай сармагчны цэцэг өвчний халдвар бүртгэгдсэн учир эдгээр улс руу зорчих иргэд анхаарал болгоомжтой байхыг зөвлөлөө. Өчигдрийн мэдээллээр Францад сармагчны цэцэг өвчний 1, Тайланд улсад 3 тохиолдол, Бангладеш улсад зика вирусын халдварын тохиолдлууд бүртгэсэн байна. ХӨСҮТ нь Олон улсын эрүүл  мэндийн дүрмийн үндэсний зохицуулагч байгууллага тул дэлхий дахинд бүртгэгдэж байгаа халдварт өвчний мэдээллийг авдаг бөгөөд дэлхийн бөмбөрцгийн хойд хагасын сэрүүн бүсийн улс орнуудад улирлын томуугийн идэвхжил өндөр түвшинд байгааг сануулав. Тиймээс иргэд гадаад оронд албан болон албан бусаар зорчих, удаан хугацаагаар амралтаа өнгөрөөх, аялахдаа өөрсдийгөө хамгаалах, таны очих улсад ямар өвчлөл зонхилж байгааг судлах, юуг анхаарах, ямар вакцин хийлгээд явах талаар мэдээлэл зөвлөмж авахыг санууллаа.