Тайванийн төв хэсгийн Тайчун дахь Шин Конг Мицүкоши их дэлгүүрт өнөөдөр /2025.02.13/ үдээс өмнө 11:30 цагийн орчимд дэлбэрэлт болсноор дөрвөн хүн амиа алджээ. Нэг хүний амин үзүүлэлтүүд бүгд унасан боловч мэргэжлийнхэн хараахан нас барсан гэсэн мэдэгдлийг хийгээгүй байна. Мөн долоон хүн бэртэж гэмтсэнийг эмнэлэгт хэвтүүлжээ.

Тус их дэлгүүрийг Тайванийн Шин Конг групп, Японы Исэтан Мицүкоши холдинг нар хамтран ажиллуулдаг.

Бичлэгээс харахад барилгын дээд хэсэгт их хэмжээний хохирол учирчээ. Мөн барилгын дотор хэсгийн бичлэг харвал хүчтэй чичиргээ мэдрэгдсэний дараа хүмүүс дэлгүүрийг орхин зугтаж байв.

Гал унтраах албаныхны мэдээлснээр их дэлгүүрийн 12 давхрын орчимд хий дэлбэрчээ. Дэлбэрэлтийн шалтгааныг албаныхан шалгаж байна.

ЭХ СУРВАЛЖ: NHK