АНУ-ын тал Оросын иргэнийг суллана

2025-02-13,   41

Дунд сургуулийн багш Марк Фогелийг сулласны хариуд АНУ-ын тал Оросын иргэн Александр Винникийг суллахаар шийдвэрлэжээ. 

 

А.Винник 2017 онд биткоин ашиглан олон тэрбум доллар луйвардсан хэргээр баривчлагдсан юм. АНУ-ын тангарагтны шүүх түүнийг мөнгийг угаасантай холбоотой хуулийн 21 зүйл ангиар буруутгажээ. Цагаан ордны албан тушаалтнууд А.Винникийг удахгүй суллах гэж буйг баталсан байна.

 

Оросын иргэн А.Винник BTC-e хэмээх криптовалютын биржийг ажиллуулдаг байжээ. Тэрбээр уг биржээр дамжуулан 4 тэрбум ам.доллар угаасан хэрэгт буруутай гэж үзсэн Америкийн хууль сахиулагчдын хүсэлтийн дагуу түүнийг Грект баривчилсан байна. Тэрбээр өнгөрсөн оны тавдугаар сард хэргээ хүлээсэн бөгөөд шүүхээс түүнд 20 жилийн хорих ял оноожээ. 

 

АНУ-ын Хууль зүйн яамны мэдээлснээр, дэлхий даяарх цахим гэмт хэрэгтнүүд BTC-e биржийг цахим халдлага, хувийн мэдээллийг хулгайлах, авлига, мансууруулах бодисны наймаа зэрэг гэмт хэргээс олсон мөнгийг шилжүүлэх, угаах, хадгалахад ашигладаг байжээ.

 

Тус бирж нь АНУ-ын Холбооны хуульд заасны дагуу мөнгө угаахтай тэмцэх буюу “хэрэглэгчээ таних” /Know Your Customer/ шаардлагыг хангаж ажиллаагүй байна. Өөрөөр хэлбэл, үйлчлүүлэгчдийн талаарх мэдээллийг цуглуулаагүй тул гэмт хэрэгтнүүдийн анхаарлыг татсан гэж мөрдөн байцаагчид үзжээ.
 

 

Эх сурвалж: "Монцамэ" агентлаг


АНУ-ын тал Оросын иргэнийг суллана
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.