Өчигдөр /2025.01.28/ орой БНСУ-ын Гимхэ нисэх онгоцны буудлаас хөөрөх гэж байсан онгоцонд гал гарлаа. Хонконгийн чиглэлд хөөрөх гэж байсан Air Busan-ы уг онгоцонд 169 зорчигч болон хөлгийн багийн зургаан гишүүн байжээ. Галын үеэр бүх зорчигчийг ослын гарцаар аюулгүй гаргасан бөгөөд гурван хүн хөнгөн бэртсэн байна. Албан мэдээллээр орон нутгийн цагаар 22:30 цагийн үед онгоц хойд хэсгээсээ шатаж эхэлсэн. Гал сөнөөгчид цагийн дотор аюулгүй байдалд оруулж, одоогоор гал гарсан шалтгааныг тодруулахаар ажиллаж байна.