-Засгийн газар гэрээг шинэчлэх байр сууриа хамгаалжээ-

“Оюу толгой ордын ашиглалтад Монгол Улсын эрх ашгийг хангуулах тухай” Улсын Их Хурлын 2019 оны 92 дугаар тогтоолыг хэрэгжүүлэх үүрэгтэй Засгийн газрын ажлын хэсэг Рио Тинто компанийн төлөөлөлтэй өчигдөр уулзжээ.

Уулзалтаар Оюутолгой төсөлтэй холбогдох яриа хэлэлцээг эрчимжүүлэх, ажлын төлөвлөгөө гарган тодорхой асуудлуудыг ойрын үед шийдвэрлэх талаар талууд санал солилцсон байна.

Уулзалтын үеэр Ажлын хэсгийн зүгээс “Оюу толгой ордын ашиглалтад Монгол Улсын эрх ашгийг хангуулах шаардлагатай байгааг “Рио Тинто”-гийн төлөөлөгчдөд дахин сануулсан байна.

Уулзалтад Ажлын хэсгийг төлөөлж УИХ-ын гишүүн ХЗДХ-ийн сайд, Ажлын хэсгийн ахлагч Х.Нямбаатар, Уул уурхай, хүнд үйлдвэрийн сайд Г.Ёндон, Эрчим хүчний сайд Н.Тавинбэх, Хууль зүй, дотоод хэргийн Дэд сайд Б.Солонгоо болон “Эрдэнэс оюу толгой” ХХК-ийн гүйцэтгэх захирал Н.Цэрэнбат, “Рио Тинто компанийг төлөөлж тус компанийн Зэсийн группийн захирал Б.Болд, Хөрөнгө оруулалт эрхэлсэн захирал Андрью Латхам, Рио Тинто Монголиа ХХК-ийн гүйцэтгэх захирал Х.Амаржаргал, зөвлөх Б.Өсөхбаяр нар оролцжээ.