“Сод Монгол” компанийн гүйцэтгэх захирал шатахууны борлуулалтдаа хязгаарлалт хийх талаар тушаал гаргасан нь санаатай, санамсаргүй болох нь мэдэгдэхгүй шалтгаанаар олон нийтийн сүлжээнд тавигдаж, иргэд шатахуун нөөцлөн, хомсдол үүсгэсэн билээ.  Тэгвэл Шударга өрсөлдөөн хэрэглэгчдийн төлөө газраас шатахуун импортлогч компаниудад нөөцийн шалгалт хийж, хомсдол үүсэхээргүй байсныг тогтоожээ. Улмаар хязгаарлалт үүсгэсэн компаниудад албан шаардлага хүргүүлсэн байна. ШӨХТГ-ын дарга Б.Бат-Эрдэнэ өнөөдөр фэйсбүүк хуудастаа “Шатахуун нөөцийн хяналт шалгалт дууссан ба нөөц нь тасалдал, хомсдол үүсэх хэмжээнд биш гэдгийг тогтоож, тодорхой хязгаарлалт үүсгэсэн ААН-үүдэд албан шаардлага хүргүүлэн шалгалтын тайлан, дүгнэлтийг Монгол Улсын Шадар сайд болон Уул уурхай хүнд үйлдвэрийн яам/Ministry of Mining and Heavy Industry -нд хүргүүллээ. Шударга өрсөлдөөн, хэрэглэгчийн төлөө газар” хэмээн бичсэн байна.

ШӨХТГ-аас өнгөрсөн долдугаар сард шатахуун импортлогч компаниудад шалгалт хийж, олон тооны зөрчил илрүүлэн 234 сая төрөгийн торгууль ногдуулж байсан билээ.