НӨАТ-ын гуравдугаар улирлын бүртгэл өнөөдөр дуусаж байгаатай холбоотойгоор Монголын татварын албанаас мэдэгдэл гаргажээ. Мэдэгдэлд 2021 оны гуравдугаар улирлын төлбөрийн баримтаа цахим системд бүртгүүлэн НӨАТ-ын буцаан олголтын урамшууллаа авах боломжтой хугацаа өнөөдөр 23:59:59 цагт дуусч байгааг сануулж, баримтаа амжиж бүртгүүлэхийг сануулсан байна. Нэмэгдсэн өртгийн албан татварын тухай хуулийн дагуу худалдан авалтад төлсөн албан татварын 20 хүртэл хувийг улирал тутамд буцаан олгодог. Энэ оны хоёрдугаар улиралд 1,166,880 иргэнд 45.4 тэрбум төгрөгийг буцаан олгожээ. Гуравдугаар улирлын НӨАТ-ын буцаан олголтыг энэ сард иргэдийн дансанд шилжүүлэх юм.