Засгийн газрын хуралдаанаас гарсан шийдвэрийн талаар мэдээлэл хийж байна.

ЗГХЭГ-ын дарга Н.Учрал:

-Хөгжлийн банкийг экспорт импортын банк болгох шинэ эрхзүйн орчныг бий болгох хүрээнд УИХ-д өргөн мэдүүлэхээр ажиллаж байна. Гадаадын хөрөнгө оруулагч нарыг хамгаалах, хөрөнгө оруулалтын тогтвортой орчинг бий болгох чиглэлийн эрх зүйн орчинг бий болгох ажлын хэсэг байгуулагдсан. Ирэх долоо хоногийн засгийн газрын хуралдаанаар Татварын ерөнхий хууль, Хөрөнгө оруулалтын хууль, Хууль тогтоомжийн хуулиудад шаардлагатай нэмэлт өөрчлөлтийг боловсруулан танилцуулна. Уул уурхайн биржийн хуулийг дахин боловсруулж өргөн мэдүүлэхээр боллоо.

Үндэсний баялгийн сангийн хуримтлалыг нэмэгдүүлэх чиглэлээр хувийн хэвшил болон төрийн эзэмшлийн хувь хэмжээг тогтоох хэлэлцээр үргэлжилж байна.Монголын баялаг нам, хэн нэгэн улс төрчийнх биш. Байгалийн баялгийг хэн нэгэн бүтээгээгүй. Авах ёстой зүйлсээ төр авах л ёстой. 39 стратегийн орд байгаа. Бүгдэд нь хяналт шинжилгээ хийх ёстой.

Өнөөдрийн засгийн газрын хуралдаанаар Тавантолгойн Бортээгийн уурхайг Эрдэнэс Тавантолгой компани болон Адимерал зэрэг түншлэлийн компаниудтай 2021 онд байгуулсан хөрс хуулалт болон өрөмдлөг тэсэлгээ, нүүрс олборлолт баяжуулалтын гэрээг хүчингүй болгож байна гэв.