Найруулагч Жэймс Кэмероны “Avatar” цувралын гурав дахь бүтээл болох “Avatar: Fire and Ash” кино нээлтээ хийсний дараах эхний өдрүүдэд бокс оффист өндөр үзүүлэлттэй байгааг гаднын хэвлэлүүд мэдээллээ. Тодруулбал, тус кино АНУ болон Канадын дотоодын зах зээлд 88 сая ам.доллар, харин дэлхий даяар нийт 345 сая ам.долларын орлого олжээ.

Associated Press агентлагийн мэдээлснээр, энэхүү үзүүлэлт нь 2025 оны кинонуудын дунд нээлтийн орлогоороо дээгүүрт бичигдэж байгаа бөгөөд “Avatar” франчайзын дэлхий дахины үзэгчдийг татах хүч хэвээр байгааг харуулж байна . Мөн Reuters агентлаг “Avatar: Fire and Ash” кино Хойд Америкт хүлээлтээс бага орлого олсон ч олон улсын зах зээлд амжилттай нээгдсэн нь дэлхийн нийт орлогыг огцом өсгөсөн гэж онцолжээ.

Харин The Hollywood Reporter-ийн тайланд дурдсанаар, уг киноны дотоодын орлого салбарын зарим шинжээчдийн таамаглаж байсан хэмжээнд хүрээгүй ч Европ, Ази болон Латин Америкийн зах зээлд хүчтэй амжилт үзүүлсэн нь дэлхий даяарх нийт орлогыг 345 сая ам.долларт хүргэх гол хүчин зүйл болсон байна .

Ийнхүү “Avatar: Fire and Ash” кино нээлтийн долоо хоногтоо дэлхийн кино зах зээлд анхаарал татсан үзүүлэлт тогтоож, цаашдын орлогоо нэмэгдүүлэх өндөр хүлээлттэй байгааг гаднын хэвлэлүүд онцолж байна.