Өмнөд Солонгосын охидын “Apink” хамтлагийн Yoon Bomi, “Black Eyed Pilseung”-ийн продюсер Rado буюу Song Joo Young нар 9 жилийн үерхлийн дараа хуримаа хийхээр болжээ.

Тэд ирэх жилийн тавдугаар сард хуримын ёслол зохион байгуулахаар төлөвлөсөн байна. Yoon Bomi болон Rado нар анх 2016 онд Apink-ийн “Only One” дуу дээр хамтран ажиллахдаа танилцсан бөгөөд 2024 оны дөрөвдүгээр сард олон нийтэд харилцаагаа нээлттэй зарласан байдаг.

Bomi өчигдөр /2025.12.18/ захидал бичиж фенүүддээ мэдээ хүргэсэн байна.

Захидалдаа:

Фенүүддээ гэнэтийн мэдээ хүргэсэндээ уучлалт гуйж, фенүүдийнхээ дэмжлэг, хайр сэтгэлээр олон бэрхшээл, айдасыг даван туулсан гэж талархжээ. Мөн урт хугацаанд хамт байсан, аз жаргалтай ба эргэлзээтэй мөчүүдийг хамт туулсан хүндээ амьдралаа зориулж хурим хийхээр шийдсэнээ хуваалцсан байна.