Америкийн алдарт дуучин Кэти Перри болон Канадын Ерөнхий сайд асан Жастин Трюдо нарын үерхлийн тухай мэдээлэл өнгөрсөн өдрүүдэд өргөн хүрээнд тархав. Тэд харилцаагаа анх удаа албан ёсоор ил тод болгосноор олон улсын хэвлэл мэдээллийнхний анхаарлыг татаж байна.

Өнгөрсөн жил анх уулзсан гэх мэдээлэл байгаа боловч энэ талаар нарийвчилсан тайлбар өгөөгүй. Тэд эхэндээ нөхөрсөг харилцаа тогтоосон ч цаг хугацааны явцад дотно болсон гэж TMZ эх сурвалцдаа дурджээ. Кэти Перри өмнө нь жүжигчин Орландо Блумтай сүй тавьсан байсан бол Жастин Трюдо 2023 онд гэр бүлээ цуцлуулсан юм.

Канадын улс төрийн тайзнаас буусныхаа дараа Жастин Трюдо хувийн амьдралдаа илүү анхаарах болсон бол Кэти Перри хөгжмийн карьертаа үргэлжлүүлэн төвлөрч байна. Хоёр алдартны харилцаа улс төр, урлагийн салбарын уулзлын нэгэн сонирхолтой жишээ болж байна.

Энэхүү мэдээ цацагдсанаас хойш олон нийтийн сүлжээ идэвхтэй хариу өгч, олон төрлийн санал бодол илэрхийлжээ. Зарим нь "содон бөгөөд сонирхолтой хос" хэмээн дэмжсэн бол зарим нь хэтэрхий төрийн хүрээтэй холбогдох магадлалтай хэмээн шүүмжилсэн байна.