Холливудын од Том Круз 45 жилийн урт хугацааны киноны карьертээ анх удаа Оскар гардан авлаа. Энэ нь өрсөлдөөнт шагнал бус, Хүндэт (Honorary) Оскар бөгөөд Governors Awards арга хэмжээний үеэр Крузын бүтээлч амжилт, кино урлагт оруулсан хувь нэмрийг үнэлэн олгогдсон юм.

Том Круз өмнө нь хэд хэдэн удаа Оскарын номинацид нэр дэвшиж байсан ч уг шагналыг авсан нь анх удаа юм. Тэрээр дэлхий даяар мэдэгдсэн "Top Gun", "Mission: Impossible" цуврал зэрэг олон кинонд дүр бүтээсэн бөгөөд кино урлагийн түүхэнд өөрийн өвөрмөц байр суурийг эзэлдэг.

Шагнал гардуулах ёслолын үеэр Круз үзэгчдэд талархал илэрхийлж, киноны салбарт амьдралынхаа ихэнх хугацааг зориулсан нь бахархалтай мөч болсон хэмээн тэмдэглэжээ.