Ази тивийн найман улсын шилдэг тамирчид хүч, хурд, авхаалж самбаагаараа өрсөлдөж буй “Physical: Asia” шоу өнгөрсөн долоо хоногт “Netflix” стриминг платформоор эхний дөрвөн ангиа цацсан билээ.

“Netflix” компанийн Мягмар гарагт нийтэлсэн долоо хоногийн үзэлтийн статистикаар уг шоу англи бус хэл дээрх цуврал контентуудын дэлхийн жагсаалтын гуравдугаарт орж, нийт 5.2 сая үзэлт авчээ.

Мөн тус шоу дэлхийн найман улсын зах зээлд нэгдүгээр байр эзэлж, 44 улс, бүс нутгийн шилдэг 10 контентын жагсаалтад багтсан байна.

Үзэлтээрээ тэргүүлсэн улсуудад:

1. Бахрейн
2. Хонконг
3. Индонез
4. Филиппин
5. Сингапур
6. Катар
7. Арабын Нэгдсэн Эмират
8. Турк