Өмнөд Солонгосын алдарт BTS-ийн гишүүн Жонгүг дэлхийд танигдсан загварын брэнд Calvin Klein-ийн дэлхийн хэмжээний элч төлөөлөгчөөр албан ёсоор тодорлоо.

АНУ-ын PVH корпораци болон Calvin Klein брэндийн зүгээс энэ тухай албан ёсоор мэдэгдэж, “Жонгүг бол брэндийн үнэт чанар болох итгэлцэл, хүч, чөлөөт байдлыг илэрхийлж чаддаг уран бүтээлч” хэмээн онцолсон байна.

Харин Жонгүг өөрийн мэдэгдэлдээ:

“Calvin Klein-ийн философи болон загварын мэдрэмж надад урам зориг өгдөг. Энэ хамтын ажиллагаа надад маш онцгой боломж болж байна” гэж хэлжээ.

Түүнийг брэндийн шинэ деним загварын сурталчилгаанд оролцуулсан бөгөөд зураг авалт тун богино хугацаанд олон улсын хэвлэл, сошиал сүлжээнд шуугиан дэгдээсэн байна. Өмнө нь Жонгүг Calvin Klein-ийн дотуур хувцас болон жийнсний сурталчилгаанд оролцохдоо “fashion icon” хэмээх нэр зүүж, дэлхий даяар фэнүүдийн анхаарлыг татаж байв.