Пак Бо Гум “MAMA Awards 2025”-ыг долоо дахь жилдээ хөтөлнө

Солонгосын алдарт жүжигчин Пак Бо Гум энэ жил болох “MAMA Awards 2025”-ын эхний өдрийн хөтлөгчөөр ажиллахаар боллоо. Ингэснээр тэрбээр тус наадмыг долоо дахь удаагаа хөтлөх гэж байна.

CJ ENM-ийн мэдээлснээр “MAMA Awards 2025” нь 11-р сарын 28-29-ний өдрүүдэд Хонг Конгийн Kai Tak Stadium-д зохион байгуулагдана. Пак Бо Гум нь “CHAPTER 1” буюу анхны өдрийн хөтлөгчөөр ажиллах юм.

Жүжигчин Пак Бо Гум 2017 оноос эхлэн энэхүү томоохон наадмын тайзан дээр тогтмол гарч, үзэгчдийн дунд “MAMA-гийн нүүр царай” хэмээн танигдсан. Тэрбээр өөрийн тайван, уран яриа, урам зориг өгөх үгсээрээ жил бүрийн наадмыг онцгой уур амьсгалтай болгож ирсэн билээ.

“MAMA Awards” нь Азийн хамгийн нэр хүндтэй хөгжмийн наадмуудын нэг бөгөөд дэлхий даяарх K-pop уран бүтээлчдийг нэг дор цуглуулдгаараа онцлог юм. Энэ жил тус наадам нь Mnet-ийн 30 жилийн ойтой давхцаж байгаа тул өмнөх жилүүдээс илүү өргөн цар хүрээтэйгээр зохион байгуулагдана.


Пак Бо Гум “MAMA Awards 2025”-ыг долоо дахь жилдээ хөтөлнө
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ