BLACKPINK хамтлагийн гишүүн Лиса “Disney”-ийн алдарт “Tangled” хүүхэлдэйн киноны live-action хувилбарт Рапунзелийн дүрийг бүтээнэ гэх цуурхал сошиалд хүчтэй тарж байна. Тус мэдээлэл Instagram болон X (хуучнаар Twitter) платформууд дээр олон хэрэглэгчийн дунд түгж, Лисаг шаргал үстэй Рапунзелийн дүрээр төсөөлсөн олон зураг, бичлэг гарчээ.

Гэвч “Disney” компани энэ талаар ямар нэгэн албан ёсны мэдэгдэл хийгээгүй бөгөөд “Tangled”-ийн live-action хувилбар одоогоор хөгжүүлэлтийн шатандаа байгаа эсэх нь тодорхойгүй байна. Зарим гадаад эх сурвалжуудын мэдээлснээр тус төслийн ажил түр зогсоод байгаа аж.

Тиймээс Лисаг гол дүрд сонгосон гэх мэдээлэл нь одоогоор батлагдаагүй, фэнүүдийн таамаг, цуурхлын түвшинд байна.