Өмнөд Солонгосын алдарт охидын хамтлаг 2NE1-ийн гишүүн Пак Бом 2025 оны аравдугаар сарын 22-нд өөрийн Инстаграмаараа дамжуулан “YG Entertainment”-ийн гүйцэтгэх продюсер Ян Хён Сок-ийн эсрэг гомдол гаргасан тухай мэдээлэл нийтэлжээ.

Тэрбээр “Урт хугацаанд шударга төлбөр төлөөгүй, орлогоосоо зохих хувь хүртээгүй” гэж мэдэгдэж, “бүх төрлийн уран бүтээлийн орлого — дуу, концерт, зар сурталчилгаа, нэвтрүүлэг, зохиол зэрэгт үүссэн ашиг шударгаар хуваарилагдаагүй” хэмээн бичсэн байна. Пак Бомын нийтлэлд дурдсан дүн тодорхойгүй, “сая сая, тэрбум тэрбумаар” хэмжигдэх тоо бүхий оньсого мэт байдлаар бичигдсэн нь олон нийтийн анхаарлыг татжээ.

Харин дуучны одоогийн агентлаг D-Nation Entertainment аравдугаар сарын 23-нд мэдэгдэл гаргаж, “2NE1 хамтлагийн үйл ажиллагаатай холбоотой бүх тооцоо өмнө нь бүрэн хийгдсэн бөгөөд Пак Бомын нэр дээр албан ёсны гомдол бүртгэгдээгүй” хэмээн мэдэгджээ. Мөн тус агентлаг “дуучин эрүүл мэндийн шалтгаанаар түр амарч байгаа, эмчилгээ, сэргэх хугацаандаа байна” гэж тайлбарласан байна.

Ийнхүү Пак Бомын мэдээлэл албан ёсоор шүүхэд бүртгэгдээгүй байгаа тул одоогоор энэ асуудал баталгаажаагүй, харин соёл урлагийн салбарт шударга хуваарилалтын талаарх асуудлыг дахин хөндөх шалтгаан болж байна.