Өмнөд Солонгосын алдарт T-ARA хамтлагийн гишүүн Eunjung гэрлэлтээ албан ёсоор зарлалаа. Тэрбээр кино найруулагч Kim Byung-woo-тэй гэрлэх гэж байгаа бөгөөд хуримын ёслолыг 2025 оны 11 дүгээр сарын 30-нд хийхээр товложээ.

Eunjung-ийн агентлаг “Ер бусын уншигч” (“Omniscient Reader”) киноны найруулагч Ким Бёнүтэй гэрлэх нь үнэн гэдгийг баталж, “Тэдний хайр харилцан хүндлэл, итгэл дээр тулгуурласан. Хурим нь гэр бүлийнхэн болон ойр дотны хүмүүсийн хүрээнд болох хувийн арга хэмжээ байх болно” хэмээн мэдэгджээ.

Eunjung нь 2009 онд T-ARA хамтлагийн гишүүнээр уран бүтээлийн гараагаа эхэлсэн бөгөөд дуучин, жүжигчин, нэвтрүүлэгч зэрэг олон чиглэлд амжилттай ажиллаж ирсэн уран бүтээлч юм. Харин сүйт залуу Ким Бёнү нь “The Terror Live”, “Man of Men” зэрэг алдартай кинонуудыг найруулснаараа танигдсан туршлагатай найруулагч юм.