Өмнөд Солонгосын алдарт охидын хамтлаг BLACKPINK-ийн гишүүн Rosé “Korea Popular Culture & Arts Awards 2025” ёслолоор “Ерөнхийлөгчийн шагнал” хүртэхээр болжээ.

Тус шагнал нь урлаг, соёлын салбарын хөгжил, К-рор урсгалыг дэлхийд түгээн дэлгэрүүлэхэд оруулсан хувь нэмрийг үнэлж, Соёл, спорт, аялал жуулчлалын яам болон Солонгосын Агуулгын агентлаг (KOCCA)-аас олгодог төрийн хүндтэй шагналын нэг юм.

Энэ жил “Korea Popular Culture & Arts Awards” арга хэмжээний хүрээнд Rosé-гийн хамт дуучин G-Dragon, жүжигчин Бён Ү Сок зэрэг уран бүтээлчид төрийн дээд зэргийн шагналуудаар шагнуулахаар нэрлэгдсэн байна.

Rosé нь BLACKPINK хамтлагийн гишүүнээр дэлхий даяар нэр хүндтэй болж, соло уран бүтээлүүдээрээ ч амжилт олсон бөгөөд К-рор урлагийн хамгийн нөлөө бүхий төлөөлөгчдийн нэг хэмээн үнэлэгддэг.