Америкийн нэр хүндтэй “Victoria’s Secret Fashion Show 2025” арга хэмжээнд Өмнөд Солонгосын алдарт TWICE охидын хамтлаг онцгой оролцоотойгоор үзэгчдийн анхаарлыг татлаа.

Энэ жил тус шоу эмэгтэй уран бүтээлчдийг түлхүү оролцуулсан хөгжмийн шугамтай болсон бөгөөд TWICE хамтлаг “This Is For”, “Strategy” зэрэг дуугаа тоглож, моделуудын алхалтад өнгө нэмсэн байна. Хамтлагийн гишүүд болох Nayeon, Jihyo, Tzuyu, Momo нарын үзүүлбэр уран сайхны шийдэл, тайзны хувцаслалт, бүжгийн хореографийн хувьд онцгой өндөр үнэлгээ авчээ.

Энэхүү оролцоо нь K-pop хамтлагуудын хувьд “Victoria’s Secret” шоуны тайзан дээр гарсан анхны томоохон жишээ болсон бөгөөд дэлхийн загвар, хөгжмийн салбарт Азийн төлөөллийг улам тодруулсан үйл явдал хэмээн хэвлэлүүд онцолж байна.