Өмнөд Солонгосын жүжигчин Ким Жу Ён 73 насандаа таалал төгслөө. Тэрбээр 2025 оны есдүгээр сарын 30-ны өдөр уушгины хатгалгаа өвчний улмаас амьсгал хураасан талаар гэр бүлийнхэн нь мэдээлжээ.

Ким Жу Ён өнгөрсөн хугацаанд уушгины архаг өвчнөөр шаналж байсан бөгөөд өмнө нь сүрьеэ өвчтэй байсан түүхтэй байжээ.

Тэрээр 1980-аад оноос хойш олон кино, телевизийн бүтээлд тоглож, Солонгосын үзэгчдийн сэтгэлд тод үлдсэн жүжигчдийн нэгээр нэрлэгддэг. Сүүлчийн удаа 2014 онд “Jeong Do-jeon” нэртэй түүхэн драмад дүр бүтээснээр тайз, дэлгэцийн уран бүтээлээ өндөрлөсөн байна. Үүний дараа жүжигчин мэргэжлээ орхин муусин буюу бөө болж, өөр замналаар амьдралаа үргэлжлүүлжээ.

Жүжигчин Ким Жу Ёнд зориулсан оршуулгын ёслолыг 2025 оны аравдугаар сарын 2-нд Сөүл хотноо хийхээр болжээ.