Өмнөд Солонгосын алдарт жүжигчин Lee Dong Gun телевизийн “My Little Old Boy” шоуны үеэр эрүүл мэндийн ноцтой асуудлаа хуваалцжээ. Тэрбээр нүдний олон давтагдсан үрэвсэл болон нуруу, шөрмөсөөр өвдөх шинж тэмдэг илэрсэн талаар ярьсан бөгөөд эмч нар түүнд анкилозын спондилит гэх ховор үрэвсэлт өвчний эргэлзээтэй онош тавьсан байна.

Эмч нарын мэдээлснээр уг өвчин нь нуруу, холбоосуудын үрэвслийг үүсгэж, цаашлаад хөдөлгөөний уян хатан чанарыг алдагдуулах аюултай. Жүжигчний хувьд нүд улайх, гэрэлд мэдрэгших, түр хугацаагаар хараа муудах зэрэг шинж тэмдэг тогтмол илэрч байсан нь онош тавих гол үндэслэл болжээ.

Эрүүл мэндийн мэргэжилтнүүд түүнд архи, тамхинаас татгалзах, хооллолтдоо анхаарах, тогтмол дасгал хийх, үрэвслийн эсрэг эмчилгээ хэрэглэхийг зөвлөсөн байна.

Өвчний тухайд,

• Ховор өвчин: Хүн амын ойролцоогоор 1% орчимд тохиолддог.
• Эхний шинж тэмдэг: Ихэвчлэн нуруу, аарцагны хэсгээр өвдөх, өглөө босоход хөшингө болох, удаан суумагц хөдөлгөөн хэцүү болох зэргээр илэрдэг.
• Нүдний үрэвсэл (uveitis): Lee Dong-gun-ийн ярьснаар, нүд тогтмол улайж, гэрэлд мэдрэг болж, бүр түр хугацаанд хараа муудах нь олон удаа давтагдсан. Энэ нь уг өвчний нийтлэг хавсарсан шинж юм.
• Удаан явцтай өвчин: Хэрэв эмчилгээгүй удаан үргэлжилбэл нуруу, үе мөчний яснууд хоорондоо “наалдаж”, хөдөлгөөний уян хатан чанар багасах эрсдэлтэй байдаг аж.