Өмнөд Солонгосын алдарт найруулагч Пак Чан Вүк “No Other Choice” хэмээх шинэ бүтээлээ өнгөрсөн лхагва гарагт үзэгчдэд хүргэсэн юм.  

Уг бүтээл өнгөрсөн амралтын өдрүүдэд БНСУ-ын бокс оффисыг тэргүүлжээ. Тус киног сүүлийн гурван хоног 609 мянган хүн үзжээ. Харин нээлтээ хийсэн өдрөөс хойш нийт 1.73 сая хүн үзсэн хэмээн БНСУ-ын кино зөвлөл мэдэгджээ.

Уг бүтээл нь эдийн засгийн дарамт, айдас хүйдсийг бараан егөөдлөөр ёжлон хүргэсэн гашуун атлаа хөнгөн инээдэм хослуулсан кино юм.